Hvar endar þetta eiginlega???

Biðst velvirðingar á bloggleysinu elsku vinir en þeir sem þekkja til... skilja ástæðuna fyrir andleysinu...

Hér hafa dunið áföll á áföll ofan og ég fer eiginlega stórlega að efast um að geðheilsan hjá  mér þoli meira      Það er lítið sem ég get sagt um þessi áföll hér á veraldarvefnum nema að þau eru ansi alvarleg og það er langt og strangt ferli framundan sem reynir á þolinmæði og andlegan styrk.

Stundum langar mig bara að setjast niður og gráta og gráta en það er eins og ég geti það ekki... (allavega ekki eins og er)...  ég þarf að vera sterk og til staðar fyrir þann aðila sem þarf mest á því að halda núna.

Það er stór og ljótur heimur þarna úti

Ég held að ég hafi sjaldan fundið jafn vel eins og núna hvað handavinnan og dútlið í kringum hana gefa mér mikið...   Er búin að sitja þónokkuð með Merry Xmas og ég get svo svarið það... ég sé fyrir endann á henni bráðlega!!   Saumaskapurinn dreifir aðeins huganum á kvöldin þegar skæruliðarnir eru komnir í ból og ég sit ein hér frammi með mínar hugsanir sem vilja vera ansi mikið á fleygiferð þessa dagana.

Í dag eru 17 ár síðan yngri stelpan mín kom í heiminn...  litla barnið mitt orðin fullorðin...   Ætlum að glomma í okkur gúmmelaði hér í dag mæðgurnar.... kókos/rjóma/jarðarberjatertu... Dajmtertu og fleira góðgæti sem sest utaná mjaðmirnar á mér bara við tilhugsunina!   isss só what... það er ammili!!!

Athugasemdir

[Guðríður Hrefna Haraldsdóttir, 14.10.2007 kl. 11:00]

Sendi þér stuðningskveðjur elskan. Vona að allt verði betra með tímanum!

Knús frá Skaganum. 

[HAKMO, 14.10.2007 kl. 11:03]

[Svanhildur Karlsdóttir, 14.10.2007 kl. 11:11]

Elsku vinkona, hugur minn er hjá þér, það var gott að geta faðmað þig á föstudeginum, en knúsaðu Lindu frá mér.

[Einar Indriðason, 14.10.2007 kl. 11:54]

Innlitskvitt, og draga hugann frá Daimtertunni!  Til hamingju með afmælið.  (Restina veistu um.)

[Ásthildur Cesil Þórðardóttir, 14.10.2007 kl. 13:50]

Elsku Saumakona mín.  Vonandi lagast þetta allt hjá þér.  Sendi þér risaknús.             Og til lukku með dótturina.

[Heiða Þórðar, 14.10.2007 kl. 14:03]

Elsku músamús, það er vel hægt að fá pillur við þessu.

[Dísa Dóra, 14.10.2007 kl. 15:37]

Sendi þér risastórt rafrænt knús og góðar kveðjur.  Innilega til hamingju með dóttluna líka

[Ásta Hj (IP-tala skráð) 14.10.2007 kl. 23:04]

oó

Afhverju frétti ég ekki neitt? Hvað skeði núna????????????

[Heiða Þórðar, 16.10.2007 kl. 17:28]

Sendi þér kærleiksríkar kveðjur og hugsanir elskan.

[Gunna-Polly, 16.10.2007 kl. 19:58]

RISA KNÚS TIL ÞÍN OG GANGI ÞÉR VEL MEÐ ALLT ÞETTA

[Emma Eiríksdóttir (IP-tala skráð) 16.10.2007 kl. 22:02]

Sæl frænka mín leitt að heyra að eitthvað sé að hjá þér vonandi gengur það allt saman vel og til hamingju með dóttirina sem á afmæli á þessum frábæra degi 14. okt. því ég á líka afmæli á þessum degi. Kærar kveðjur frá Eyrarbakka.

[Saumakonan, 19.10.2007 kl. 16:35]

Takk elskurnar mínar fyrir knúsið og peppið  

[Ólafur fannberg, 19.10.2007 kl. 16:46]

stuðningsinnritunarkvitt kemur hér