kjagandi hæna....

tja líður allavega þannig þegar ég skakklappast hér um íbúðina sem er alltof full af allskonar dóti og drasli.   Eða réttara sagt svona eins og mörgæs sem vaggar til hliðanna þegar hún reynir að komast áfram án þess að fljúga á hausinn í hálku!

Spurning um að fá sér bara svona hálkumottu á lappirnar... hlýtur að vera hægt að útbúa eitthvað svoleiðis handa mér svo ég tolli á löppunum!   Var næstum flogin á hausinn áðan þegar ég fór með skæruliðana á leikskólann og samt var engin hálka! 

Þarf að fara að dröslast til að taka til í þessari ruslahrúgu en hreinlega nenni því ekki... er eitthvað svo hrikalega löt og dofin eitthvað... veðrið kanski?    Alveg er furðulegt hvað veður getur haft áhrif á mann... geðvonskan fer uppúr öllu valdi og maður urrar á hvað sem fyrir verður.  *dæs* já það er ekki auðvelt að vera nálægt mér í svona lægð og ég er viss um að bóndinn verður bara guðslifandi feginn að komast í burtu frá ómögulegri frú í kvöld þegar hann byrjar nýja vaktatörn  

Mig vantar VARAHLUTI!!!    bara verst að mér er sagt að það sé hætt að framleiða í svona stórskrýtin furðudýr eins og mig!  Kanski maður ætti bara að hringja í Kára og bjóða sig fram sem tilraunadýr?

Athugasemdir

[Ásthildur Cesil Þórðardóttir, 2.10.2007 kl. 11:15]

Risastórt knús til þín elsku hrakfallabálkurinn

[Heiða Þórðar, 2.10.2007 kl. 12:26]

Já veðrið hefur áhrif, ekki spurning.

En hugurinn er samt máttugri. Jebb...ég er lifandi sönnun þess. Dansa hér nakinn um með skúringarhanskana á lofti....eða þannig sko! ;) Eiguðu góðan dag, mín kæra.

[Einar Indriðason, 2.10.2007 kl. 17:25]

Ekki gleyma innanhússskíðastöfunum, til að nota með hálkumottunum.

(Hvenær verður þetta svo gefið út á DVD, sem svona... "funny videos" ? :-)

[Dísa Dóra, 2.10.2007 kl. 19:35]

Þú ert alveg miljón