Heim í heiðardalinn....

Ferðalag búið í bili...    þreytt saumakona og skæruliðar skriðu hér inn um dyr í gærkvöldi ánægð með vel heppnaða ferð.

Næst ætlum við að taka fleiri daga í svona ferðalag... úffff alltof löng keyrsla á einum degi að fara alla leið hinum megin á landið!   En gaman var þetta... komum við á nokkrum stöðum, kaffipása í Mývatnssveit... hittum pápa minn á Akureyri...  Gerðu vinkonu á Blönduósi (vink vink ) og múttu og stjúpa í Húsafelli þar sem við lágum í algeru leti í heitum potti... stunduðum spilamennsku af fullum krafti og átum hrikalega góðan grillmat!      Skæruliðar eeeeelskuðu heita pottinn og sulluðu þar alla daga svo lítið þurfti fyrir þeim að hafa.   Nenntu ekki einu sinni uppúr í drekkutíma heldur voru fóðraðir á kókómjólk og svala og grilluðum pulsum beint í pottinn!!!

Ég stóð við orð mín og lá makindalega í leti í heita pottinum ásamt móður minni að kvöldi ammilisdags míns og mikið hrikalega var það notalegt!!!   Að vísu sleppti ég bubbluvíninu og lét mér kók nægja en það er sko pottþétt að ég fæ mér POTT við húsið okkar!!! Þvílíkur lúúúúúxus!!!!

Með söknuði sáum við á eftir bústað og potti og héldum heim á leið á föstudag... gekk allt vel framan af... stoppuðum aftur hjá Gerðu, fengum okkur snæðing og spjölluðum smá áður en áfram var haldið.     Þegar við komum niður af Öxnadalsheiðinni var stoppað smá til að lofa skæruliðum að hlaupa um og pissa...  aftur ætluðum við að halda af stað en þá sáum við að eitthvað var að ske þarna rétt fyrir aftan okkur... við snérum við í skyndi þar sem við vissum að eitthvað mikið var að þarna.

Pallbíll með hestakerru hafði oltið, bíllinn var á toppnum og hestakerran á hlið útí móa og þetta leit alveg hrikalega út (miklu verra en það var í rauninni).

Nú kom sér vel að bóndinn er ávallt viðbúinn (enda björgunarsveitar/sjúkraflutningamaður ásamt meiru) og hann rauk út með búnaðinn sem alltaf fylgir okkur í bílnum... skellti sér í gallann og fór til að aðstoða.    Eldri maður var þarna á ferð með 2 hross og um tíma leit þetta ansi illa út á meðan fólk var að reyna að koma hrossunum út úr laskaðri kerrunni.   Maðurinn sjálfur virtist ekki mikið slasaður, sár á höfði sem búið var um þarna á staðnum á meðan beðið var eftir lögreglu og sjúkrabíl en miklar áhyggjur hafði hann af hrossunum blessaður karlinn    

Sem betur fer þá fór þetta betur en á horfðist... aumingja gamla manninum létti mjög þegar hann sá að hrossin voru heil á húfi.... annað hafði skorist ansi illa en hitt virtist vera í lagi.     Gamli maðurinn var ótrúlega heppinn að sleppa svona vel og eitthvað spilaði nú inní líka hjálpin sem barst áður en lögreglan og sjúkrabíllinn komu æðandi með blikkljósunum.

  Bílarnir sem voru fyrst á slysstað innihéldu nefnilega 2 sjúkraflutningamenn... einn hjúkrunarfræðing... prest... og tvo dýralækna!!!!    Og alls ekki má gleyma öllum hinum sem aðstoðuðu þarna.

Restin af heimferðinni gekk vel þótt okkur hefði seinkað ansi mikið við þetta, stoppuðum smá á Akureyri, keyptum snarl til að hafa á leiðinni og skriðum svo í hús hjá tengdó rétt eftir miðnætti þar sem uppábúin rúm biðu þreyttra ferðalanga       

Eftir smá hvíld þar í gær hélt ég svo heim á leið með skæruliðana mína en bóndinn varð eftir þar sem vaktatörn byrjaði hjá honum í gærmorgun.     Nú er semsagt grasekkjustandið byrjað aftur og hversdagurinn tekinn við með öllu sem fylgir... leikskóli í fyrramálið og þvottaskrímslið bíður

yfir og út í bili.... góða nótt elskurnar og dreymið ljúfa drauma

 

Athugasemdir

[Guðríður Hrefna Haraldsdóttir, 25.6.2007 kl. 00:00]

Vá, þvílíkt ferðalag! Frábært fyrir bóndann að fá svona góða hjálp á slysstað og að enginn slasaðist alvarlega! 

[Guðríður Hrefna Haraldsdóttir, 25.6.2007 kl. 00:01]

Ég meinti gamla manninn, þú varst að tala um bóndann ... manninn þinn sem bónda ... hahhaha, ruglaði þessu eitthvað í syfjukasti!

[Einar Indriðason, 25.6.2007 kl. 08:07]

Já, en.. Gamli maðurinn *gæti* alveg hafa verið bóndi?

[Guðríður Hrefna Haraldsdóttir, 25.6.2007 kl. 10:12]

Einmitt, hugsaði það líka, a.m.k. svona hestabóndi!  

[Ragga (IP-tala skráð) 25.6.2007 kl. 15:38]

Elsku kerlingin til hamingju með ammilið. Og velkomin heim.

[Ásthildur Cesil Þórðardóttir, 25.6.2007 kl. 20:43]

Gott að ekki fór verr.  Það er líka örugglega vegna þess hve hjálp barst snemma.  Hræðilegt að lenda í svona mín kæra.  En allt er gott sem endar vel.

[Heiða Þórðar, 25.6.2007 kl. 22:44]

Gott að fá þig aftur mín elskuleg...gott að ekki fór verr.

[Sonja Richter (IP-tala skráð) 27.6.2007 kl. 16:48]

Eg se ad thu ert haldin saumabakteriunni. Langar thig til ad vera memm i saumaklubb http://groups.yahoo.com/group/allt_i_kross ?

[Saumakonan, 27.6.2007 kl. 18:53]

LoL Gurrí... já það mátti nú alveg ruglast á þessu... Gamli maðurinn VAR bóndi í Skagafirðinum áður fyrr hehe

Ragga mín og Heiða... takk takk 

Sonja... einhverntíma skráði ég mig nú í þennan klúbb en það datt einhvernvegin uppfyrir á þeim tíma.  Ertu með meil sem ég get sent á til að fá meiri upplýsingar?  Kannast við nokkrar í klúbbnum hehe