Nóg að gera....

Skólaslit hjá skæruliða #1...  Píning á kirkjubekk í rúman klukkutíma og svo heitt að það lá við að hægt væri að vinda mann þegar út var komið.   Eftir allar einkunna afhendingar var fjöldasöngur hjá öllum bekkjunum og var alveg frábært að heyra börnin syngja lagið hans Eika Hauks þótt ansi falskir tónar heyrðust þegar átti að fara hátt í viðlaginu

Bóndinn rétt náði heim til að vera viðstaddur skólaslitin og var honum fagnað vel af bæði frú og skæruliðum... fáum að hafa hann heima alveg fram á mánudagskvöld!

Nú er sjómannahelgin framundan og margt í boði til skemmtunar hér í bæ... eitthvað förum við að skoða og kanski taka þátt í en ég þverneita að vera viðriðin koddaslag, hlaup á gúmmíflekum og þess háttar... læt unga fólkinu það algerlega eftir!    Læt mér duga að horfa bara á herlegheitin

Ákvað að vera "þjóðleg" í matseldinni í kvöld.... nammi namm... Lifrarpylsa og Slátur með tilheyrandi kartöflum og uppstúf *slurpppppp*   Orðið ansi langt síðan ég hef eldað þennan gómsæta rétt svo það er sko kominn tími til!   Elsti sonurinn birtist hér öllum að óvörum áðan og var fljótur að segja JÁ þegar ég spurði hvort hann vildi vera í mat og dóttlan heimtaði að vera líka þegar hún vissi hvað ætti að vera í matinn!!    Kunna gott að meta þessi börn mín!!

Arg... gleymdi að kaupa rófur... ómissandi með slátrinu!!!!  

Farin út í búð!!!!

Athugasemdir

[Ásthildur Cesil Þórðardóttir, 1.6.2007 kl. 21:37]

Svo er upplagt að hafa restina í járnbrautarslysi.  Þá bakarðu upp hvíta sósu jafning, og setur afganginn af slátrinu og karöflur út í, og voila járnbrautarslys, krakkarnir mínir elskuðu það.

[Gunna-Polly, 1.6.2007 kl. 23:04]

æ nú langar mig í slátur

[Lilja (IP-tala skráð) 2.6.2007 kl. 09:07]

Vá hvað ég hlakka til að fá slátur þegar ég kem heim!

[Matthilda M. Eyvindsd Tórshamar, 2.6.2007 kl. 13:37]

Lifrarpylsa og slátur, nammmmmmmmmmmi. Reyndar finnst mér færeyska slátrið betra en það íslenska.

[Guðríður Hrefna Haraldsdóttir, 2.6.2007 kl. 13:48]

Nammmmmmm, slátur.

[Alvilda Gunnhildur Magnúsdóttir (IP-tala skráð) 2.6.2007 kl. 18:43]

OHHHH ég sakna slátursins. Ég er vön að taka slátur á haustinn en tók ekki síðasta slátur svo ég á ekkert núna . Ætla sko ekki að sleppa því næst !!! Verði ykkur að góðu öllum !!!