tiltektardagur...

jeminn.... tók törn á heimilinu í dag (sem ég ætlaði að gera í gær)...  þvottavélin búin að ganga stanslaust og haugurinn minnkar óðum... ekkert uppvask lengur og eldhúsið lítur bara sæmilega út... allavega skárra en svínastían sem það var í morgun  

Kjúlli í ofninum og ilmurinn breiðist hér útum íbúðina *slurppppp* garnirnar eru farnar að gaula!!!     Hálftími í viðbót og þá getur maður hámað í sig kjúllaleggi ásamt hvítlaukskartöflum og meðlæti *smjattismjatt*

Yngsti skæruliðnn er orðinn heldur betur skæður... farinn að reisa sig upp við allt (á hnjám enn sem komið er) og allt er í stórhættu... fjarstýringar eru í miklu uppáhaldi hjá guttanum og eins þetta fína dót sem er í hillusamstæðunni...   hann lenti í hálfgerðri sjálfheldu áðan þegar hann var að teygja sig þar... kominn upp á hnén... heldur í hilluna... og rennur UNDIR samstæðuna!!   Heyrðist bara vein og sást í haus og hendur sem héldu fast í hilluna hehehe

Uppáhaldið hjá guttanum núna er rúgbrauð með kæfu svo nýryksugaða borðstofugólfið mitt er ALLT útí rúgbrauðsmylsnu!!!   Held ég þurfi að fá mér hænur *dæs*

 

ég er búin að komast að því að langbesta ráðið til að fá eldri skæruliðana til að taka til í herberginu sínu er að setja þann minnsta þar inn!!!    Déskoti voru þeir fljótir að tína upp allt rusl og smádót í morgun þegar sá stutti kom í "heimsókn" í sprengjuherbergið   Þeir eru nefnilega voða passasamir á að litli bróðir stingi ekki neinu smádóti uppí sig

 

jæja... farin að huga að matnum... garnagaulið er orðið svo hávært að það fer að heyrast í næstu hús!!

Athugasemdir

[gerður rósa gunnarsdóttir, 31.5.2007 kl. 18:57]

Heppin að eiga þvottavél ;)

[Saumakonan, 31.5.2007 kl. 19:41]

lol já... veit ekki hvar ég væri án hennar!! 3 litlir skæruliðar sjá sko algerlega um að halda þvottaskrímslinu lifandi

[Guðríður Hrefna Haraldsdóttir, 31.5.2007 kl. 22:47]

Ber sterkar tilfinningar til þvottavélarinnar minnar ... samt er ég ekki með neina skæruliða. Fékk meilið frá þér, takkkkkk!

[Saumakonan, 31.5.2007 kl. 23:39]

hehe annað farið af stað til þín Gurrí mín    vona að það komist líka til skila.