Erfitt....

Hef hreinlega hvorki haft löngun né orku í að blogga undanfarið...    Kanski af því að manni finnst ekkert að blogga um... til hvers að blogga þegar andleg depurð er yfir manni... ekkert gaman að lesa svoleiðis pistla... Ætla samt að reyna að koma frá mér smá ástæðu fyrir andleysinu...     

Veikindi hjá skæruliðum virðast vera að ganga yfir en þetta hefur tekið sinn toll á frúnni, breytingarnar á heimilinu setja sitt mark á bæði líkama og sál og stundum veit ég hreinlega ekki hvort maður geti þetta!    Maður gerði sér ekki alveg grein fyrir hvernig þessar breytingar yrðu... tekur sinn tíma að venjast og aðlagast hlutunum en það sem af er virðist ekki ganga alveg upp        Bóndinn kom heim í "frí" en lítið sá maður af honum samt því "hin" vinnan hans tekur allan frítímann.

Nú er hann farinn aftur í tæpa viku og ég reyni eins og ég get að hugsa um skæruliðana mína...  Heilsan er ekki nógu góð og ég er döpur     

Er oft með pælingar í hvernig þetta eigi að ganga upp... á maður að vera eitthvað að spá í að flytja sig um set?   Langar ekki til þess þar sem við erum eiginlega búin að festa okkur í sessi hér og margt sem "bindur" mann...    Vil ekki selja húsið okkar sem við erum búin að leggja svo mikla vinnu í og við myndum aldrei ráða við það fjárhagslega að bæði eiga það hér og kaupa annað nær vinnunni bóndans.   Samt sækja þessar hugsanir að manni.

Jájá ég veit að margir hugsa nú... af hverju að eiga öll þessi börn ef ég get ekki hugsað um þau?   Skil svona hugsanir vel og þetta væri ekkert mál ef ég væri fullfrísk.   Ég tek ofan fyrir öllum einstæðu mæðrunum sem eru með ung börn því þetta er heljar vinna að púsla öllu saman, heimili/skóla/leikskóla/frítíma...      

Stundum finns mér ég ekki vera að ráða við hlutina og þetta tekur ansi mikið á sálartetrið...  

Ætla ekki að hafa þetta lengra í bili... eigið góðan dag elsku vinirnir mínir

Athugasemdir

[Einar Indriðason, 26.5.2007 kl. 13:28]

Eitt orð, saumakona.... "BROSKRÓKAR"!!! 

[Saumakonan, 26.5.2007 kl. 13:53]

Takk Svana mín.. hvur veit nema ég taki þig á orðinu og kíki í heimsókn

Einar... ehhh Broskrókar???? fattarinn er eitthvað langur í dag sko

[Einar Indriðason, 26.5.2007 kl. 14:09]

"broskrókar" - oft gerðir úr járnvír, einstaka sinnum úr plasti.  Krækist í munnvik, og bundið saman fyrir aftan hnakka.  Veldur miklum brosum, og gleði.

[Saumakonan, 26.5.2007 kl. 15:05]

áts!!!!

[Gunna-Polly, 27.5.2007 kl. 12:02]

stuðningsknús úr borg óttans

[Heiða Þórðar, 27.5.2007 kl. 12:09]

Æi elskan, við verðum víst að fá svona "dapurlega" daga til að njóta þeirra góðu....hlýjar kveðjur til þín

[Guðríður Hrefna Haraldsdóttir, 27.5.2007 kl. 12:45]

Æ, dúllan mín. Lífið er sko ekkert grín alltaf. Sendi þér hlýjar hugsanir frá Skaganum! Gott að þú getur bloggað, fengið útrás og knús í kjölfarið frá okkur!

[Saumakonan, 27.5.2007 kl. 12:58]

Takk elskurnar mínar... já það er stundum gott að fá knús þótt það sé "tölvuvætt"     Og oftar en einu sinni þegar depurð er yfir mér þá lyftist brúnin við að lesa alveg yndisleg blogg frá ykkur bloggvinunum mínum... Hefur jafnvel komið fyrir að maður liggur við velti úr stólnum af hlátri hehehe

[Einar Indriðason, 28.5.2007 kl. 13:14]

Fljótt, fljótt!!! Sendum Franskan Rennilás til Saumó!!!!