Orkulaus, skapill, öfugsnúin og geðvond...

jámm... akkúrat lýsingin á mér núna!  

Stundum langar mann bara að skríða undir sæng og liggja þar næsta hálfa mánuðinn og þannig er veröldin búin að vera hjá mér undanfarna daga.

Fór í mjög skemmtilega ferð samt til vinkonu minnar um helgina... komst þó ekki heim fyrr en á mánudeginum þar sem við urðum veðurteppt á leiðinni en það var í lagi svosem... var bara í besta yfirlæti hjá tengdó á meðan

Síðustu dagar hafa verið... tja hvað á maður að kalla það... mjög "erfiðir" kanski?   Heilsan að bögga mig... kallinn þurfti að fara suður í jarðarför (3ja jarðarförin í familíunni á 4 mánuðum) svo ég var ein heima með skæruliðana á meðan... ekki þýddi að fara með þá með suður. 

Yngsti skæruliðinn þarf að fara í rannsóknir... eitthvað ekki eins og á að vera hjá honum en vonandi verður hægt að bæta úr því. 

Æji það eru bara sumir dagar verri en aðrir og akkúrat núna er einhver "lægð" sem erfitt er að rífa sig uppúr...   hef varla snert á saumadóti... búið að vera brjálað að gera hjá mér og mér finnst einhvernveginn eins og ekkert gangi!  Mig hlakkar ekki einu sinni til að fara til Frakklands!!!

Og aumingja kallinn minn tekur öllu með jafnaðargeði.... knúsar mig bara þessi elska og bíður að þetta líði hjá... úff það sem á hann er lagt!   

Yfir og út þar til næst þegar ég hef orku í að blogga ...

Athugasemdir

[Gerða Kristjáns, 15.3.2007 kl. 16:37]

Risaknús á þig !  Þú veist hvar ég er ef þig vantar eyra

[Guðríður Hrefna Haraldsdóttir, 15.3.2007 kl. 19:13]

Sendi þér knús og góðar kveðjur. Svona tímabil koma hjá öllum ... vertu ekkert að skammast í sjálfri þér fyrir það og gott að vita að þú eigir góðan karl sem skilur þig. Saumakellingin mín sífulla ... hehehehehe!

[Gunna-Polly, 15.3.2007 kl. 21:16]

*knús* frá einkaþjónustufulltrúanum þínum í Gunnubúð

[Ólafur fannberg, 16.3.2007 kl. 16:44]

knús