Ég er ekki....

klígjugjörn að eðlisfari en eitt er það sem ég hreinlega þoli ekki að vera nærri og það er LÚÐA!!!  Einhvern veginn fer lyktin af nýrri lúðu alveg skelfilega í mig og ég er gersamlega að því komin að æla ef ég þarf að vera þar sem er verið að gera að lúðu...        Akkúrat þannig líður mér núna því vaskurinn minn angar af lúðu eftir kallinn!!   Langar mest að flýja heimilið!!!!

Ekki misskilja mig... ég elska soðna lúðu með nýjum kartöflum og smjöri... eða já steikta á pönnu með brúnni sósu *smjatt smjatt* en bara einhver annar verður að gera að henni og koma henni í pottinn/ pönnuna!!!  *hrollur*    

 

jæja að öðru... ég lofaði daglegu "uppdeiti" af leynimyndinni minni og jú eitthvað hefur skeð í dag svona á milli húsverka

Eitthvað er nú myndin léleg... var ekki með flassið á því einhvern veginn urðu þær allar of ljósar myndirnar svo ég hreinlega nennti ekki að vera að fikta í myndavélinni til að fá betri mynd.  

Ég hef nú líka saumað smá í Merry Xmas... allavega nokkur spor en þvílíkur munur á 2 myndum... get saumað heila þræði í sama lit án þess að skipta á milli í þessari hehehe

Svo er bara spurningin.... HVAÐ er þetta sem ég er að sauma??? thíhí.. enginn veit... (nema Gerða og hún má ekki kjafta )   Og einhver sem vill giska á hvað ég verð lengi með hana??  (  Hún er ca 105x130 spor eða jafngildi  ca 19x23cm )

Athugasemdir

[Gerða Kristjáns, 4.3.2007 kl. 23:47]

Vika í mesta lagi !

[Lilja (IP-tala skráð) 5.3.2007 kl. 11:31]

Þetta ljósbláa er girðing... hitt er spurning.......