Dugnaður vék fyrir letilífi...

Búin samt með helling... ganga frá þvotti... setja í uppþvottavélina... minnka þvottaskrímslið aðeins en svo var ég orðin svo svöng að ég réðst á ísskápinn!  Tíndi úr honum slatta af afgöngum og úr varð þessi líka flotta Tortilla með grænmeti, pítusósu og smá hakk afgangi... *slurppppp*    

Afleiðing... át yfir mig!!!

2 Skæruliðar í afmæli til kl 16.... 1 lítilll skæruliði sefur með rassinn útí loftið í bólinu sínu...   og ég afvelta af ofáti     Held ég fari bara í sófann og saumi smá á meðan allt er rólegt... er spennt fyrir að klára myndina svo ég geti byrjað á einhverju öðru

16 dagar...

 

 

 

 

 

 

 

 

 Og hún vex.... smátt og smátt

Allir að kaupa sér Neyðarkall/konu!!!!!

Hvet alla til að kaupa sér Neyðarkallinn/konuna og styðja með því gott starf björgunarsveitanna í landinu.   Þú veist aldrei hvenær ÞÚ þarft á þeim að halda!!! 

Hvað er þetta með sokka???

Skil ekkert í því hvað þvottavélin étur sokkana okkar!  Í síðustu borgarferð keypti ég næstum upp lagerinn af sokkum í borginni (allavega fannst mér það) og núna finnast engir frá skæruliðunum!!    Tjaaa eða allavega ekki samstæðir!    Er með eldhúsborðið troðið af útbreiddum sokkum sem eru voða einmana án makans og skilja ekkert í þessum aðskilnaði  

Að vísu fann ég þónokkur stykki í herbergi skæruliðanna áðan en það er ég handviss um að þegar ég verð búin að þvo... þá bætast þeir bara í hóp þeirra einstæðu!   Er farin að halda að það sé draugur í þvottavélinni sem nærist á sokkum!

Talandi um sokka já...   Minsti skæruliðinn labbar hér um bíreifur og alltaf þarf hann að drösla með sér uppáhaldinu sínu.  Sum börn dröslast með bangsa... önnur með teppi... eða snuð í báðum höndum og munni...      Minn?...   Hann dröslast með SOKKA!!!    Helst sína eigin að vísu... er voða eigingjarn á sokkana sína (enda flottir sokkar með myndum og svona hálkudæmi neðaná)   Ef engir sokkar finnast á gólfinu þá fer hann bara í skúffuna sína og nær sér í sokk!!    Jújú.. hann leikur sér að dótinu sínu líka... en alltaf er sokkur nálægt og ef móðirin sér óhreinan sokk liggja á gólfi og tekur til að fara með í þvottahúsið... tjaaaa þá er ekki langt að bíða að næsti sokkur birtist nálægt litlum manni   

Akkúrat núna var sá stutti að koma kjagandi til mín við tölvuna.... með TVO sokka í hendinni... annan óhreinan og hinn hreinan!! 

Púst og pælingar....

Ég er búin að byrja... stroka út... byrja aftur... stroka út.. byrja aftur... fleahhhh hvernig á maður að koma orðum að öllu sem maður vill koma frá sér???    Líður ekki vel núna... æji er bara eitthvað svo niðurdregin... er þreytt, áhyggjufull og finnst allt eitthvað vera svo svart.   Kanski er það skammdegið... kuldinn sem smýgur allstaðar og gerir að kvalirnar sem maður býr við daglega verða ennþá verri...    finnst lyfin mín ekki virka eins og skyldi... þarf að gera svo margt en hef enga orku... úfff gæti haldið svona áfram endalaust!

Það er farið að snjóa úti...    sem þýðir að ég fæ meiri áhyggjur yfir að verkirnir verði verri og ég komist  kanski ekki neitt út...   þarf að fara með skæruliðana mína á morgnana á leikskólann og sama hvað kvalin ég er þá þarf ég að dröslast út með þá greyin svo þeir fái einhvern tíma með öðrum börnum í staðinn fyrir að hanga heima hjá móður sem finnst hún ekki geta sinnt þeim nógu vel      Nýti nú yfirleitt tímann sem ég hef á morgnana til að slappa aðeins af sjálf og næla mér í orku fyrir daginn en alltaf er ég með samviskubit yfir að þvottahaugurinn sé þarna óþveginn eða ófrágenginn... eldhúsið eins og eftir sprengjuárás og dót útum allt.    Ég næ aldrei að komast yfir allt sem ég ÞARF að gera til að halda heimilinu sæmilegu og þá fæ ég samviskubit.... vil helst ekki fá fólk í heimsókn því ég hreinlega skammast mín fyrir draslið hjá mér!        Orkan er bara svo lítil og þegar svefnleysi bætist við þá er ekki af miklu að taka.         Fékk algerlega nóg í nótt... gat ekki sofið og hvað gerði ég??? Jú... fór að taka til!!!!!    Setti í uppþvottavélina leirtauið sem ég hafði ekki nennt að ganga frá... þvoði þvott... braut saman.. gekk frá heilu fjalli inní skápa og ofaní skúffur... sópaði borðstofugólfið og eldhúsgólfið.... klukkan 4 Í NÓTT!!!          Afleiðingin af þessu næturbrölti mínu varð náttúrulega að í dag er ég eins og undin tuska sem getur ekkert gert!

Þarf að fara suður til borgar óttans í næstu viku og ekki get ég sagt að ég hlakki til þeirrar ferðar... þeir sem þekkja til málsins vita hvað er í gangi... ferlið að byrja      

Hugsanirnar streyma í gegnum höfuðið og ég er eitthvað svo ráðvillt... sakna kallsins míns (sem er í burtu á enn einni vaktatörninni) alveg skelfilega og er eitthvað voðalega einmana núna.   Ætli þetta sé skammdegið sem fer svona í mann...  eða bara langþreyta...    Búið að vera frekar mikið álag á manni undanfarnar vikur og kanski er bara kominn tími á smá "frí" frá öllu amstri.     Ohh yrði frábært að komast eitthvað í burtu en það er víst ekki fræðilegur möguleiki fyrr en á næsta ári.  

Einn ljósglampi er þó í tilverunni (enn allavega).... við náum kanski að flytja fyrir jól!!!    Eins fallegt líka því ég er búin að þverneita að taka jóladótið uppúr kössunum hér í þessari íbúð aftur!!  

Úfffff alltof stutt til jóla!!!! *dæs*    

13 dagar...

Ekki sést nú mikill árangur eftir daginn...  kanski verður komið meira í ljós á morgun ef ég geri ekki fleiri vitleysur sem þarf að rekja upp!!!

pirrrrr.is

Þreytt... þreyttari... þreyttust...    Úff sumir dagar eru bara svona.

Þarf að gera svo margt en orkan er bara ekki til staðar! Sem betur fer hafa skæruliðar verið "nokkurn veginn" til friðs í dag  (guði sé lof fyrir teiknimyndir og sjónvarp!) svo ég náði að lúra smá í sófanum á meðan sá yngsti svaf .  Þvotturinn bíður í haugum eftir að komast inní skápa og ofaní skúffur, uppvaskið hrópar á mig, leikföng útum allt og ég þarf að fara í gegnum heilan haug af dóti sem þarf að flokka og ganga frá.  Ohh jæja.. þetta hverfur víst ekkert... loka bara húsinu fyrir heimsóknum og vona að Allt í Drasli reki ekki inn nefið!

Varð ekkert smá pirruð í morgun... sat í makindum við að sauma og tók þá eftir að ég hafði notað VITLAUSAN ÞRÁÐ við eitt merkið!!   Þurfti semsagt að rekja upp alveg heilan helling og það var nú ekki þrautalaust þar sem þetta voru þónokkur spor og búið að sauma helling í kringum svo það voru þræðir á bakvið sem þurfti að laga líka!!   Tókst þó á endanum og náði að sauma aftur með RÉTTUM lit.    Verður því lítill árangur í dag þar sem saumatíminn fór næstum allur í að rekja upp og sauma  aftur!!    Hata þegar ég geri svona aulavitleysu!!!   Hefði alveg átt að sjá að þessi litur var algerlega útúr kú þarna!!! *urr* bara!!! 

12 dagar

Ekki held ég nú að ég nái 2 vikum... alltof mikið eftir hehe  Samt sést munur á hverjum degi og meiriháttar gaman að sjá hvernig myndin vex fram á javanum  

Eins og kom fram í kommenti hér í fyrri færslu er þetta ein af nokkrum myndum í seríu... ég á eina í viðbót og ætlar hún Matthilda bloggvinkona mín að senda mér munstrið af 3ju myndinni. Nú er bara að leita að hinum svo ég fái allar í seríunni    Veit nú ekki hvort ég geri hinar 2 fyrir jól þar sem ég bara hreinlega VERÐ að gera jólagjafirnar líka og ekki get ég farið að blasta þeim hér á netið!!   Tek nú samt myndir sem ég get svo sýnt eftir jól (allt verður að dokumenteras sko)       ÚFFFF... alltof stutt til jóla... og alltof mikið sem þarf að gera!!!

10 dagar komnir...

Það sést slatta munur... sest niður af og til með þetta verkefni og það er déskoti gaman að sjá mun strax og geta saumað með heilu þráðunum en að vera alltaf að skipta um lit hehe

Samt er hún ótrúlega drjúg... og allur afturstingur eftir!! jæks!   Hlakka ekkert smá til að klára þessa til að geta byrjað á næstu hehehehe    

 

tíminn flýgur...

og í dag eru heil 2 ár síðan tókst að fá bóndann til að draga hring á fingur sinnar ástkæru

Tók "bara" tæp 6 ár að ná þeim áfanga svo ég held að ég þurfi að bíða í önnur 6 ár til að fá hann upp að altarinu *glott*   

Ekki fékk ég nú amalega "ammilisgjöf" þar sem litla systir mín ákvað að skjóta út lítilli dömu í heiminn í morgun... Innilega til hamingju með krúsídúlluna litla systir!!

Maður fattar varla hvert tíminn flýgur eiginlega... mér finnst ekki vera 2 ár síðan við skötuhjúin settum upp hringana á hótelherberginu á Hotel Nordica og fengum dýrt kampavín um kvöldið á Broadway í boði stórlax frá LÍÚ hehe   Sú ferð líður seint úr minni enda fullkomin í alla staði... alger nauðsyn að taka svona "frí" frá börnum og öllu amstri, skella sér eitthvað bara tvö og rækta tilhugalífið