Hreinasta snilld!!

ég bara VERÐ að sauma þessar myndir og hengja upp hjá mér....  

Hreinasta snilld sko.. passar vel við okkur ( tjaaaa allavega MIG á morgnana) LOL

Er að spá í að hafa þessar sem auka verkefni svona inn á  milli svo ég geti hvílt mig aðeins á Merry Xmas risamyndinni minni.

roooooop......

úbbs assakið

Sit hér og reyni að ákveða hvort ég eigi nú að fara að berjast við þvottaskrímslið... fara í sófann og sauma eða bara leggjast í sófann á meltuna!!!

Yndislegi kallinn minn bað nefnilega dóttluna um að koma og passa grislingana á meðan hann byði mér út að borða í hádeginu!       Já undur og stórmerki gerast enn... ekki beint vanalegt hjá okkur að fara út að borða... forðumst það yfirleitt þar sem það innifelur stórskæruhernað og hávaða í hlaupandi grislingum svo það lokkar ekkert voða mikið að vera úrvinda af heyrnarleysi , hæsi og meltingartruflunum eftir klukkutíma á veitingastað. 

Hvað þá að fara ein...  og á virkum degi þar fyrir utan????    Jeminn.. ég hélt nú bara að hann hefði gert eitthvað svakalegt af sér og þyrfti að blíðka mig

en neibb... hann ætlaði bara að vera góður við konuna sína sem var orðin hálf gráhærð af innilokun vegna veikra grislinga.. heyrnardauf og hálfblind af allri inniveru

Sumir karlmenn geta verið yndislegir...

 

Ég er alltaf að fá vinninga....

sem ég get svo ekki notfært mér!!!  

Málið er að ég skráði mig í NÚIÐ einhvern tíma fyrir langa löngu og fæ þá sent í pósti skoðanakönnun/spurningar/tilboð hvern virkan dag.  Maður velur kassa fyrir hvern dag og í hvert sinn hefur maður 1 af 5 mögulegum sénsum að vinna eitthvað.   Ég svara samviskusamlega spurningum og skoðanakönnunum... neita gylliboðunum um að verða áskrifandi af hinu og þessu og jújú.. ég er búin að fá fullt af "vinningum" en málið er að það er bara ekki fræðilegur möguleiki að ég geti notfært mér neitt af þessu!  

   Ég er td ekki að fara að fá mér gelneglur svo ekki get ég nýtt mér 20% afslátt af því...    Þegar maður býr í langtíburtistan þá get ég nú lítið glatt mig með að fá 2 fyrir 1 á Hereford , Café Opera eða Carpe Diem (sem gildir bara í mánuð )...     jújú... flott flott að fá fría plokkun og litun EF ég væri að fara í ANDLITSBAÐ á stofu?  öhmm.. já það er svoooo mikið ÉG eða þannig!   Frítt nudd og maski fylgir andlitsmeðferð á öðrum stað....   Hey jú... maður ætti kanski að skella sér í 2 vikur frítt í JI JITSU????    Hlýt nú að koma því að  í MÖRGU (ehmm)  borgarferðunum mínum sem taka að meðaltali 2-3 daga og eru fullbókaðar frá A til Ö!   Núhhh eða skella sér í brúnkumeðferð í kuldanum... fengi 25% afslátt þar!  

Vantar bara flugferð suður svo ég komist nú í öll þessi herlegheit... þvílík gylliboð maður! 

*dæs*

 

Það er svo margt sem mig langar til að sauma...

en mér endist ekki ævin til að  gera allt!   Held áfram að sauma "Merry Xmas" myndina mína og hún gengur bara þrælvel... set inn uppdeit af henni næsta föstudag þar sem ég ákvað að herma eftir einni vinkonu minni og hafa WIP daga á föstudögum  

Samt er svo furðulegt að þótt ég hafi NÓG að gera... bæði á heimilinu og í saumaskapnum... þá langar mig samt til að byrja á einhverju nýju!!   Úff ruglið maður.... en svona erum við saumakellingar, alltaf með eitthvað nýtt á prjónunum (saumunum í þessu tilfelli hehe).

Ég fékk sendingu að utan um daginn og þar á meðal var ein geeeggggjjjuð mynd sem ég bara VERÐ að sauma!  Hef hana fyrir augunum daglega og slefa yfir henni af löngun til að byrja en neibb... ég ætla ekki.. ætla ekki.. ætla ekki.....   ohhhhh freistingar freistingar!!!

Hér er sú mynd...    The Ark frá Stoney Creek.

Er alveg hrikalega veik fyrir svona myndum... haldiði ekki að hún myndi sóma sér vel uppá vegg hjá mér??? hehehe

Ohhh þarf svo að fara að byrja á minni verkum til að gefa í jólagjafir næstu jól... veitir ekki af að byrja snemma þar sem familían er stór sem heimtar handgerðar gjafir hehe

letisaumalíf ásamt fleiru....

Sit hér með kaffibolla við hliðina á mér....  lillgutti sofandi og Ducktales í imbanum fyrir miðgutta.

Ahh... notalegt að hafa svona rólegt í kringum sig, þurfti að kíkja á póstinn hjá mér en annars horfi ég bara á draslið í kringum mig og ætla samt að setjast niður og sauma... hreinlega nenni ekki að taka til í svínastíunni strax.   Iss draslið hverfur ekkert... sama hvað maður reynir að ímynda sér hvíta stormsveipi eða græna kalla sem hoppa uppúr flöskum og þrífa fyrir mann í auglýsingunum.  Alger skömm að þessu, eiga ekki auglýsingar að vera réttar?? Hvar kvartar maður???

Þvottaskrímslið fær að vera í friði fram yfir hádegi allavega... nær örugglega að vaxa helling þangað til en mér er nokk sama.. ég er LÖT og ætla að fá að vera LÖT í smá tíma!   Svona kellingar eins og ég.. með fullt hús af börnum fá aldrei "frí" svo það er um að gera að nýta þennan litla rólega tíma í aðal áhugamálið og geta setið án þess að vera með eyrnatappa og heyrnaskjól útaf slagsmálum í skæruliðum.    

Ætla meira að segja að sleppa því að elda í dag!   Heimilisfólkið fær bara afganga í dag eftir dýrindis máltíðirnar um helgina!  

jájá.. hvað geri ég... eyði tímanum í að sitja hér og pikka í staðinn fyrir að hlamma mér í sófann? hvusslags er þetta eiginlega....    farin að sauma!!

Argghhhhhhhhh !!!

Af hverju fór ég að asnast til að lesa gömul e'mail???????????????????  Var að fara í gegnum möppur og sá þá eina merkta einni "sauma netvinkonu" frá USA...     Asnaðist til að fara að lesa í gegnum þetta og nú sit ég með tárin rennandi      Hún sendi mér fullt af munstrum að utan og þar á meðal hrikalega sætt (en stórt) munstur af saumaherbergi þar sem kona situr við sauma með allskonar handavinnudót í kring þar sem hún vissi að ég væri að fara að flytja í nýtt hús (er ekki flutt enn *dæs*) og myndi fá mitt eigið "saumaherbergi".    

Síðasta setningin í þessu bréfi var : I want to see a picture posted on the board of your new stitching room with the "Sewing Room" picture hanging on the wall.  LOL!

 

Því miður kemur hún aldrei til með að fá að sjá þessa mynd í mínu nýja saumaherbergi þar sem þessi yndislega kona lést núna fyrir stuttu og var það mikið áfall fyrir okkur "saumavinkonur" hennar þar sem þetta kom gersamlega flatt uppá okkur... höfðum ekki hugmynd um að hún væri svona mikið veik, hún talaði aldrei um sín veikindi    Vildi óska að ég hefði getað hitt hana í persónu einhvern tíma

 

Hvíl í friði Cheryl Miller...   

 

Mitt áramótaheit (þótt seint sé) verður að KLÁRA þessa mynd og hengja hana upp í saumaherberginu nýja einhvern daginn... og ég má hundur heita ef ég stend ekki við þetta!!!!!!!! 

 

 Farin að sjóða kartöflur ef ég sé þær í gegnum tárin

Leti....

Nenni ekki neinu...  en þarf víst að fara að sinna matseldinni fyrst maður er með menn í vinnu.

Risa læri í ofninum (búið að vera þar síðan 9 í morgun)... kartöflur bíða eftir að verða soðnar... geri gúmmelaði sósu a.la. saumakonan og svo alls kyns meðlæti með.... Matur uppúr 13:00    einhver að mæta?   Eins og kallinn segir... alltaf matur fyrir heilan her á þessum bæ!  

Eðaldrykkur.....

í ísskápnum... og ég má ekki fá mér waaahaaaaaaaaaaa!!!!

Það er svona þegar maður er að fá menn í vinnu og þeir heimta BJÓR í laun!!   Freistingar... freistingar... eins fallegt að maður er með lítinn unga sem er enn á mömmutúttum svo maður falli ekki í freistni!

Ætla að sitja og sauma aðeins myndina mína á milli þess að þrífa svínastíuna sem kallast heimili hér í dag... jú svo þarf að skutla einum gutta laaaaanga leið í afmæli.. og sækja aftur... og svo elda mat... og þrífa eftir það... og svo kanski baka eins og eina köku til að hafa með kaffinu fyrst maður er með menn í vinnu.... sinna yngsta varginum... og þeim lasna... berjast við þvottaskrímsli...  troða þvotti í yfirfulla skápa og skúffur...      iss já... heimavinnandi húsmæður hafa aldrei neitt að gera.. er það nokkuð???? 

Yukkkkk....

og ég sem elska KFC!!!!   Þar fór matarlystin..

Rottur bregða á leik á veitingastað í New York

WIP Merry Xmas

haddna... loksins eftir mikið vesen með myndavél... batterísleysi, vitlaust innsetningarkerfi og ég veit ekki hvað þá tókst mér að koma mynd af verkinu mínu hér inn.

Ekki varð myndin nógu góð heldur en það verður bara að bíða betri tíma að taka nýja... allavega þar til hausinn á mér verður móttækilegri fyrir svona tölvuveseni. Kanski er það kúlan sem ég fékk í morgun sem er að trufla eitthvað heilastarfsemina... það er svona þegar skáphurðir eru að flækjast fyrir manni

 Byrjaði á þessari mynd fyrir jól og gerði ca 1/4 úr blaðsíðu en lagði hana svo frá mér á meðan ég gerði annað verkefni sem lá meira á.  Byrjaði svo aftur á þessu um miðjan janúar svo þetta er 6 vikna vinna sem komin er