mmmmmm kaffi....

kaffi

ohhh ekki er minn kaffibolli með svona gúmmelaði...  Woundering


Má bjóða ykkur hamborgara????

borgari

 

Yummmýýýý   LoL


nei sko!

Gírinn eeeeer að finnast!!    Ehmm.. ég meina sko saumagírinn Tounge

sauma Tók fram saumadótið í gærkvöldi og ég er handviss um að ég náði að sauma allavega 20 spor!!! W00t     

Þetta er þó allavega byrjun... sé til hvort  ég verð enn í gírnum í kvöld þegar skæruliðar eru komnir í ból Wink    Verst að ég er búin að leita dauðaleit að déskotans batteríunum í myndavélina mína... var með þau í hleðslu og svo faldi bóndinn þau einhversstaðar svo vel að ég finn þau ekki aftur!!! 

NEI ég er ekki með þau á mjöðminni!!!!! Angry

Ætli ég þurfi ekki að ræna bara batteríunum úr fjarstýringunni svo ég geti tekið WIP mynd bráðlega.  Einhverja sönnun verður maður nú að hafa fyrir að ég sé allavega komin í fyrsta gír Wink  

Ég snörla út í eitt og aldrei er snýtuklúturinn langt undan... stærsti skæruliði slapp við skóla í dag þar sem þegar hann fór á náðhúsið í morgun eftir morgunmatinn voru bunur í báðar áttir *jukkkkk* Sick    Varð nú ekki meira en þessi eina "tvöfalda" ferð svo ég vona að hann sleppi vel frá þessum fjanda.   Miðskæruliði fékk nú eitthvað magavesen líka í gær en það varð nú bara yfir daginn sem betur fer og alltaf náði hann á koppinn.    Leist nú ekkert á blikuna þegar hann í einni ferðinni skoðar afurðirnar vel og vandlega og tilkynnti svo með háum róm:    Þetta er bara alveg eins og KAKÓ!!

SickSickSickSick


That's it!

Ok... nú held ég að ég sé endanlega að fara yfirum!  sneeze

Þrátt fyrir allar varúðarráðstafanir og virkisveggi náði helvvv pestarfjandi að troða sér hér inn eina ferðina ENN og nú situr frúin með vasaklút við nefið til að stöðva bévítans fossinn sem vill troða sér þar út og þurrkar augun í gríð og erg.   Mig vantar eiginlega svona rúðuþurrkur til að nota á rennandi augun.     AAAAHHHHHTTTTSSSSSJJJJJÚÚÚÚÚÚÚÚ!!!!!!!!!!!!!! *dnýt* Frown  

Eitthvað hafa hnerrafjandarnir ruglað mig í hausnum líka... áðan var bankað hér á dyr og fyrir utan stendur maður sem ég þurfti að spjalla aðeins við.    Miðskæruliðinn og minnstinginn vilja náttúrulega vita hvað sé um að vera og eru að væflast í forstofunni fyrir löppunum á mér.    Skítakuldi kom að utan svo ég segi skæruliðum að forða sér inn í staðinn fyrir að vera þarna í kuldanum... hlýða? hvað er nú það???    Miðskæruliðinn fer að leika sér með bolta, hoppandi og skoppandi og ég reyni að forða minstingjanum frá boltaskellum ásamt því að reyna að tala við aumingjans manninn og stjórna því að hann fái ekki bolta í hausinn!

Allt í einu finnst mér eitthvað vanta.... HVAR er minnstinginn?????     ,,Bíddu... hvert fór minstinginn??" segi ég....  ,, náði hann nokkuð að smeygja sér út um dyrnar??"     Ég lít í ofboði í kringum mig og skil ekkert í að maðurinn í dyrunum horfir undarlega á mig og meira að segja miðjuskæruliðinn hættir boltalátum og glápir furðulostinn á móður sína...

Öhmm..... ég var með minnstingjann... Á MJÖÐMINNI!!!!

Talandi um að fatta kanski ekki að gleraugum séu á nefinu og leita að þeim.... en... en... BARN????? 

Held ég fari að sofa bara.... *dæs* Blush

 


Mig vantar spark í rassinn!!!

KickMeÞeas svona "saumaspark" (samt ekki nál í rass takk fyrir! )

Eftir að ég brenndi mig gat ég náttúrulega ekki saumað... nú er ég nokkurn vegin orðin góð í hendinni en samt sauma ég ekki!!!!    Það er bara eins og ég hafi bara "dottið út" og komist ekki í samband aftur Frown       

Þetta er náttúrulega alveg skelfilegt mál þar sem ég á HELLING eftir að gera fyrir jól... klára "öndina" (eins og Einar segir)... gera slatta af jólagjöfum og svo fer þetta að verða all svakalegt vandamál þar sem saumaskapurinn hefur haldið geðheilsunni í lagi og með þessu áframhaldi er ég nú bara í stór hættu! W00t       

 crazy

 

Er grasekkja eina ferðina enn og ef þetta fer ekki að hrökkva í gírinn bráðum þá ábyrgist ég ekki afleiðingarnar!   Æ níd mæ deilí dós af spottum og þráðum flækjandis útum allt!     

Fokkit bara..... mér leiðist!!!! *pirrrrrrr* 

 


Nýja eldhúsið mitt...

er komið upp!!!  Að vísu vantar enn borðplötu, vask og svo á eftir að setja helluborðið og háfinn en samt... wúhaaaa þetta er allt að koma!!! Grin

eldhús 1 eldhús 003

 

 

 

 

 

 

 

 

 

 

Þarna sést hvar ofninn og ísskápurinn verða (kemur borðplata seinna undir glerskápinn) og seinni myndin sýnir hvar ofninn er kominn á sinn stað Smile

eldhús 002eldhús 001

 

 

 

 

 

 

 

 

Þarna sést hvar vaskurinn og uppþvottavélin verða á fyrri myndinni (uppþvottavélin upphækkuð svo léttara verði að setja í hana) og á seinni sést hornið og hvar helluborðið og háfurinn verður.  Eigum svo eftir að velja borðplötu en settum eina þarna í hornið svona til að sjá hvernig þetta lítur út með borði (verður ekki þessi litur).   Glugginn er semsagt beint á móti innréttingarhlutanum sem er sýndur á efstu myndunum Wink    

höldur Er búin að versla höldurnar og verða þær svona  smíðajárnshöldur sem gefa innréttingunni smá gamaldags "country" fíling (ég er svo gamaldags sko) Whistling

Verð með 80cm breitt spanhelluborð með 5 hellum (veitir ekki af með stóra fjölskyldu) og get ekki beðið eftir að fara að gera fínt þarna!!!    Mikið djöööö hlakka ég til að flytja!!!! Wizard

Erum að vandræðast með hvernig lit við eigum að hafa á korkinum á gólfinu og svo á borðplötunni...   verðum með hnotuparket á borðstofunni (sem er risastór beint innaf eldhúsinu) og líka í stofunni og ganginum (þar sem dyrnar eru á eldhúsinu) og svo verður mahogny stigi beint á móti eldhúsdyrunum... spurning um að fá ljósan kork og svo einhvernvegin viðarlita borðplötu... held það yrði of dökkt ef við fengjum okkur plötu í mahogny Woundering          Já og svo er stofan panelklædd líka svo það er voða svona gamaldags blær yfir öllu (en samt allt nýtt hehe).  

 

Endilega gefið mér hugmyndir um liti á vegg, flísar á milli skápa, borðplötu og gólf!!! 


Einn annar góður...

 

,,Hæ elskan! Þetta er pabbi. Er mamma þín þarna?"      ,,Nei pabbi, hún er uppi í svefnherbergi með Sigga frænda."

,,En þú átt engan Sigga frænda," sagði pabbinn eftir smá þögn.

,,Víst, og hann er núna uppí herbergi með mömmu!"

,,Úff, ókei... mig langar að biðja þig um að gera svolítið fyrir mig. Settu símtólið á borðið, hlauptu upp, bankaðu á svefnherbergisdyrnar og segðu að pabbabíll sé að keyra upp innkeyrsluna."

,,Allt í lagi pabbi!"

Nokkrum mínútum síðar kom litla stúlkan aftur í símann og sagði:  ,, Ég gerði það sem þú baðst mig um, pabbi!"

,, Og hvað gerðist?"

,, Sko, mamma hoppaði alsber uppúr rúminu, hljóp öskrandi um, síðan datt hún um teppi og flaug út um gluggann! Ég held að hún sé dáin!"

,,Guð minn góður, en hvað með þennan Sigga frænda?"

,,Hann varð voða hræddur og stökk alsber út um gluggann. Hann lenti á botninum á lauginni og hefur verið búinn að gleyma að það var verið að hreinsa hana og ekker vatn í henni. Ég held að hann sé dáinn líka."

Löng þögn.   Síðan sagði pabbi: ,, Sundlaug? Er þetta ekki sími 524-3210?"

 

*kafn*Pinch


Engin WIP

Á næstunni þar sem ég hef ekki saumað STAKT SPOR í heila VIKU!!!!    Hendin er nú samt öll að koma til en þar sem húðin er enn ansi aum þá hef ég ekki lagt í að fara að sauma og stinga mig svo á nálinni! Errm

Einn brandari fyrir ykkur í staðinn bara...  Var að fletta gömlum Vikum og rakst á einn góðann LoL

 

Magnús fór í kirkju á hverjum sunnudegi en sofnaði um leið og hann var sestur á kirkjubekkinn.  Guðrún var ósátt við þetta og einn sunnudaginn tók hún langan hattprjón með sér til að pota í hann þegar hann sofnaði.        Presturinn sagði: "Hann skapaði allt á sex dögum en þann sjöunda hvíldist hann...."  og þá potaði Guðrún í karl sinn.   Hann æpti upp yfir sig: "Guð minn almáttugur!!"    og söfnuðurinn tók undir og sagði  "Halelúja!"                    

Magnús dottaði aftur og Guðrún potaði í hann í þann mund sem presturinn sagði: ".... sem dó á krossinum fyrir okkur,"    Magnús stökk upp og öskraði: ,, JESÚS KRISTUR!!!"   Söfnuðurinn svaraði: ,, Halelúja!"    

Magnús settist niður en fylgdist hálfluktum augum með konu sinni.       Presturinn sagði: ,,... og hvað ætli Eva hafi sagt við Adam þegar annað barn þeirra fæddist?"   

Í því stakk Guðrún Magnús sem stökk á fætur og æpti:  ,, Ef þú stingur þessu enn einu sinni í mig þá BRÝT ÉG ÞAÐ Í TVENNT!!"

 

*hóst* LoL

 

 


Hrakfarir, borgarferð og ælupest....

já hvar á maður að byrja?    Hef EKKERT saumað af myndinni minni síðustu daga...  ástæða? Jú... mér tókst eins og óvitum einum er lagið að skaðbrenna mig á hægri hendi með því að álpast til að ath hvort HELLAN væri heit á eldavélinni!!!    Afleiðing þessa óvitaskapar voru blöðrur á puttum og handflötu svo ég hef verið hálf handlama undanfarna daga og allur saumaskapur úr myndinni (enda skapið eftir því) Sideways       Ætla að prófa í kvöld hvort mér takist að sauma hrakfallalaust eða hvort nálin festist í blöðrunum og ær saumakelling standi á öskrinu hér.  *urr bara já*

Við skötuhjú ásamt litlum skæruliða lögðum land undir bíl og skelltum okkur til borgar óttans á föstudaginn þar sem verslað var inn risa helluborð (span auðvitað svo ég brenni mig nú ekki aftur) og þessi voða fíni blástursofn.   Verður gaman að fara að elda með þessum nýju flottu tækjum í nýja eldhúsinu mínu Grin      Eins fjárfestum við líka í þessum svakalega flotta sturtuklefa og viti menn... nú þurfum við ekki að góla í sturtunni lengur því það er útvarp í honum líka!!! W00t   hmm... ætli bóndinn sé með einhverja sneið á mig í þessum kaupum???? Tounge     Svo hef ég nú aldrei séð annað eins... nuddstútar útum allt... gufa og alles og bíðum nú við.... 2 nuddstútar á skrýtnum stað...   í SÆTINU!!!   öhmm.... á maður að fá nudd á "botninn" líka???    ALLT er nú til!!!!! LoL

Keypti svo líka höldur á nýju innréttinguna mína svo nú verður hægt að draga út skúffurnar líka í staðinn fyrir að hafa þær bara lokaðar og brjóta neglur við að reyna að opna Tounge

Ætlaði að gera svo margt í þessari stuttu borgarferð en rétt tókst að versla það sem mig virkilega vantaði... náði engum heimsóknum í þetta sinn, verður bara að bíða betri tíma.    Eins tók lillemann uppá því að ná sér í þessa svakalegu ælupest á laugardeginum og heldur engu niðri ræfillinn Frown  Sem betur fer þá gekk heimferðin í gær sæmilega þar sem lítill gutti bara mókti eiginlega alla leiðina á milli þess að hann fékk smá sopa og gubbaði öllu upp aftur Frown    Ræfilstuskan er svo komin með goshveri hina leiðina líka í dag! úffff leiðindapestir!!!


18 dagar...

wip 00118 dagar

 

 

 

 

 

 

 

 

 

 

Og hún vex enn meira   Wink


« Fyrri síða | Næsta síða »

Höfundur

Saumakonan
Saumakonan
útsaumur og önnur handavinna er mitt líf og yndi.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband